സ്വൂഫികൾ: പ്രഗത്ഭമതികളുടെ വിലയിരുത്തൽ

‎‎         ☪️ സ്വൂഫി ധാര-03

സ്വൂഫികളുടെ നേതാവായ ജുനൈദുൽ ബഗ്ദാദി (റ) പറയുന്നു:

സ്വൂഫി ഭൂമി പോലെയാണ്. ഭൂമിയിൽ എന്തും ഏതും വലിച്ചെറിയപ്പെടും.എന്നാൽ നല്ലതേ ഭൂമി മുളപ്പിക്കുകയൊള്ളൂ.. സദ് വൃത്തർക്കും ദുർവൃത്തർക്കും ചവിട്ടാം ഭൂമിയിൽ. സ്വൂഫി ആകാശം പോലെയാണ്. ഏവർക്കും അത് തണൽ വീഴ്ത്തുന്നു. സ്വൂഫി മഴ പോലെയാണ്. എല്ലാവർക്കും ജലം നൽകുന്നു.

ഇമാം അബ്ദുല്ലാഹിൽ ഹദ്ദാദ് (റ) തൻ്റെ താഇയ്യത്തുൽ കുബ്റാ എന്ന കവിതാ സമാഹാരത്തിൽ പറയുന്നു: സ്വൂഫി വിഭാഗത്തിൻ്റെ പാത ആദ്യം മുതൽ അവസാനം വരെ പരിശോധിച്ചോളൂ, ഒരിടത്തും കിതാബ് സുന്നത്തിനെതിര് കാണാൻ സാധിക്കുകയില്ല. അവരെ കുറിച്ച് വേണ്ടാത്തത് പറയുന്നവരെ നീ ഒഴിവാക്കിയേക്ക്.നാശത്തിൽ നിന്നും ബിദ്അത്തിൽ നിന്നും ഫിത് നയിൽ നിന്നും രക്ഷ അവിടെ മാത്രമാണ്. ഖുർആൻ സുന്നത്ത് മുറുകെ പിടിച്ചവർ വിജയികളെത്രെ... അല്ലാഹുവിൻ്റെ പ്രീതി അവരിലുണ്ട്.. അതല്ലേ സുപ്രധാനം....

ശൈഖുൽ ഇസ്‌ലാം സകരിയ്യൽ അൻസ്വാരി (റ) പറയുന്നു: ഏത് യുഗത്തിലും നാം കാണുന്ന കാഴ്ച്ച ആപൽ ഘട്ടങ്ങളിൽ പണ്ഡിത വരേണ്യർ അതാതു കാലത്തെ സ്വൂഫി മാരോട് ദുആക്ക് ആവശ്യപ്പെടുന്നതാണ്. എന്നാൽ മറിച്ച് കാണുന്നില്ല. സ്വൂഫി മാർഗം അത്യുത്തമമാണന്നതിന് ഈ ഒരു തെളിവ് മാത്രം മതി....

ഇമാം ഹുജ്ജത്തുൽ ഇസ്‌ലാം അബൂ ഹാമിദുൽ ഗസ്സാലി (റ) പറയുന്നു: ''ദുൻയാവിലും ആഖിറത്തിലും ഒരിക്കലും ഇടിഞ്ഞു വീഴാത്ത ശരീഅത്തിൻ്റെ ഫൗണ്ടേഷനിൻ മേലാണ് സ്വൂഫികൾ കയറിയിരിക്കുന്നത്. മറ്റുള്ളവരാകട്ടെ അതിൻ്റെ ചാരത്തും.,''

അതു കൊണ്ട് സ്വൂഫിസം ഒരു വ്യത്യസ്ത അനുഭവമാണ്. അത് ലഭിക്കാത്തവരാണ് സ്വൂഫിസത്തേയും സ്വൂഫികളെയും വിമർശിക്കുന്നതായി കാണുന്നത്.ആകെ കൂടി തൻ്റെ വശത്തുള്ള മാനദണ്ഡം സ്വൂഫിസത്തെ കുറിച്ചുള്ള അനുഭവജ്ഞാനമില്ലായ്മയാണ്.ഈ മാനദണ്ഡം വച്ച് അളക്കുകയും വിധി പറയുകയും ചെയ്യുന്നു അവർ. സ്വൂഫിസം രുചിച്ചറിയാത്തവർ സ്വൂഫിസത്തെ കുറിച്ച് വിധി പറഞ്ഞ് മുസ് ലിം സമൂഹത്തെ നാശത്തിലേക്ക് തള്ളിവിട്ട് കൊണ്ടിരിക്കുകയാണ്.

ചുരുക്കത്തിൽ സ്വൂഫികൾ കയറിച്ചെല്ലാത്ത മേഖലകളില്ല. ഇസ് ലാമിൻ്റെ സമ്പൂർണ്ണ നില നിൽപ്പിനാവശ്യമായ മുഴുവൻ കാര്യങ്ങളും പ്രയോഗവത്കരണത്തിൽ കൊണ്ടുവരുന്നവരാണവർ.ഇസ് ലാമിൻ്റെ വിശാലത മനസ്സിലാക്കേണ്ടത് സ്വൂഫികളിലൂടെയാണ്.ഇസ് ലാമിൻ്റെ അനിർവചനീയ പര്യായപദങ്ങളായി അവർ ഇന്നും ജീവിക്കുന്നു.

ലോകത്തെ ബഹുഭൂരിപക്ഷം ജനങ്ങളും ഇന്നും അവരെ ആശ്രയിക്കുന്നു. സമാധാനത്തിൻ്റെ ആശ്രയ കേന്ദ്രങ്ങളായി അവർ സ്വൂഫികളെ വിലയിരുത്തുന്നു. അതിനുള്ള മകുടോദാഹരണങ്ങളാണ് സുൽത്വാനുൽ ഹിന്ദ് ഖ്വാജാ മുഈനുദ്ദീനുൽ ചിശ്തി (റ), ഹസ്റത്ത് നിസാമുദ്ധീൻ ഔലിയ (റ), ഖുത്വുബുദ്ദീൻ ബഖ്തിയാർ കാക്കി (റ), ശാഹുൽ ഹമീദുന്നാഹൂരി (റ), ഇബ്റാഹീം ബാദുഷ ഏർവാടി (റ), മമ്പുറം തങ്ങൾ ( റ ), ബാനീ നൂറുൽ ഇർഫാൻ അസ്സയ്യിദ് മുഹമ്മദ് ജലാലുദ്ധീൻ അൽ ഖാദിരി എന്ന കുന്നത്തേരി തങ്ങൾ ( റ ) തുടങ്ങിയ സ്വൂഫിവര്യർ.....

നാഥൻ അവരുടെ മദദ് ലഭിക്കുന്നവരിൽ ഉൾപ്പെടുത്തട്ടെ... ആമീൻ

തയ്യാറാക്കിയത് : ഹസൻ ഇർഫാനി എടക്കുളം