✒️ ﻋَﻦْ ﻣَﺤْﻤُﻮﺩِ ﺑْﻦِ ﻟَﺒِﻴﺪٍ رضي الله عنه ، ﺃَﻥَّ ﺭَﺳُﻮﻝَ اﻟﻠﻪِ ﺻَﻠَّﻰ اﻟﻠﻪُ ﻋَﻠَﻴْﻪِ ﻭَﺳَﻠَّﻢَ ﻗَﺎﻝَ: " ﺇِﻥَّ ﺃَﺧْﻮَﻑَ ﻣَﺎ ﺃَﺧَﺎﻑُ ﻋَﻠَﻴْﻜُﻢُ اﻟﺸِّﺮْﻙُ اﻷَْﺻْﻐَﺮُ " ﻗَﺎﻟُﻮا: ﻭَﻣَﺎ اﻟﺸِّﺮْﻙُ اﻷَْﺻْﻐَﺮُ ﻳَﺎ ﺭَﺳُﻮﻝَ اﻟﻠﻪِ؟ ﻗَﺎﻝَ: " اﻟﺮِّﻳَﺎءُ، ﻳَﻘُﻮﻝُ اﻟﻠﻪُ ﻋَﺰَّ ﻭَﺟَﻞَّ ﻟَﻬُﻢْ ﻳَﻮْﻡَ اﻟْﻘِﻴَﺎﻣَﺔِ: ﺇِﺫَا ﺟُﺰِﻱَ اﻟﻨَّﺎﺱُ ﺑِﺄَﻋْﻤَﺎﻟِﻬِﻢْ: اﺫْﻫَﺒُﻮا ﺇِﻟَﻰ اﻟَّﺬِﻳﻦَ ﻛُﻨْﺘُﻢْ ﺗُﺮَاءُﻭﻥَ ﻓِﻲ اﻟﺪُّﻧْﻴَﺎ ﻓَﺎﻧْﻈُﺮُﻭا ﻫَﻞْ ﺗَﺠِﺪُﻭﻥَ ﻋِﻨْﺪَﻫُﻢْ ﺟَﺰَاءً "
(مسند احمد)
മഹ്‌മൂദിബ്നു ലബീദ് (റ) നിവേദനം ചെയ്യുന്നു: തിരുനബിﷺപറഞ്ഞു ''നിങ്ങളുടെ കാര്യത്തില്‍ ഞാന്‍ ഏറ്റവും കൂടുതല്‍ ഭയപ്പെടുന്നത് ചെറിയ ശിര്‍ക്കിനെയാണ്'' സ്വഹാബത്ത് ചോദിച്ചു: ''എന്താണ് റസൂലേ (ﷺ) ചെറിയ ശിര്‍ക്ക്..?'' നബിﷺപറഞ്ഞു: 'രിയാഅ്'(ലോകമാന്യം) അന്ത്യദിനത്തില്‍ കര്‍മങ്ങളുടെ ഫലം ജനങ്ങള്‍ക്കു നല്‍കുമ്പോള്‍ അല്ലാഹു ﷻ പറയും: 'ദുന്‍യാവില്‍ ആരെ കാണിക്കാനായിരുന്നോ നിങ്ങള്‍ ചെയ്തിരുന്നത് അവരുടെ അടുക്കല്‍ പ്രതിഫലമുണ്ടോ എന്ന് പോയി അന്വേഷിച്ചു കൊള്ളുക''
(മുസ്‌നദ് അഹ്‌മദ്)
♥️ഗുണ പാഠം♥️
വിശ്വസിക്കുകയും സൽക്കർമ്മങ്ങൾ അനുഷ്ഠിക്കുകയും ചെയ്യുന്നവർക്ക് മഹത്തായ സ്വർഗീയ അനുഗ്രഹങ്ങൾ വാഗ്ദാനം ചെയ്യപ്പെട്ടതായി വുശുദ്ധ ഖുർആനിൽ ധാരാളം കാണാം. എന്നാൽ കർമ്മങ്ങൾ ആത്മാർത്ഥതയുള്ളതും നിഷ്കളങ്കമായതും ആയിരിക്കണമെന്ന് മാത്രം. കർമ്മങ്ങൾ കൊണ്ട് ആത്യന്തികമായി ലക്ഷ്യം വക്കുന്നത് അല്ലാഹുവിന്റെ തൃപ്തി മാത്രമായിരിക്കണം. അല്ലാത്ത പക്ഷം അവ പ്രതിഫലാർഹമാവുകയില്ല. മഹ്ശറയിൽ വച്ച് അല്ലാഹുവിന്റെ തണൽ അല്ലാത്ത മറ്റൊരു തണൽ ഇല്ലാത്ത ദിവസം അവന്റെ അർശിന്റെ തണൽ നൽകപ്പെടുന്നവരുടെ കൂട്ടത്തിൽ 'വലതു കൈ കൊണ്ട് ദാനം നൽകിയത് ഇടതു കൈ അറിയാത്തവർ' എന്നൊരു വിഭാഗത്തെ എണ്ണിയത് നമ്മുടെ മനസ്സിൽ പതിയേണ്ടതാണ്. നമ്മുടെ കർമ്മങ്ങൾ മറ്റു ജനങ്ങളിൽ നിന്നും രഹസ്യമാകാനും അവ കൊണ്ട് അല്ലാഹുവിന്റെ തൃപ്തി മാത്രം ലക്ഷ്യം വയ്ക്കാനും നമുക്ക് നാഥൻ അവസരം നൽകട്ടെ, ആമീൻ....
No comments:
Post a Comment