സംസം വയറ് നിറയെ കുടിയ്ക്കണം
✒️ﻋَﻦْ ﻣُﺤَﻤَّﺪِ ﺑْﻦِ ﻋَﺒْﺪِ اﻟﺮَّﺣْﻤَﻦِ ﺑْﻦِ ﺃَﺑِﻲ ﺑَﻜْﺮٍ، ﻗَﺎﻝَ: ﻛُﻨْﺖُ ﻋِﻨْﺪَ اﺑْﻦِ ﻋَﺒَّﺎﺱٍ ﺟَﺎﻟِﺴًﺎ، ﻓَﺠَﺎءَﻩُ ﺭَﺟُﻞٌ، ﻓَﻘَﺎﻝَ: ﻣِﻦْ ﺃَﻳْﻦَ ﺟِﺌْﺖَ؟ ﻗَﺎﻝَ: ﻣِﻦْ ﺯَﻣْﺰَﻡَ، ﻗَﺎﻝَ: ﻓَﺸَﺮِﺑْﺖَ ﻣِﻨْﻬَﺎ، ﻛَﻤَﺎ ﻳَﻨْﺒَﻐِﻲ؟ ﻗَﺎﻝَ: ﻭَﻛَﻴْﻒَ؟ ﻗَﺎﻝَ: ﺇِﺫَا ﺷَﺮِﺑْﺖَ ﻣِﻨْﻬَﺎ، ﻓَﺎﺳْﺘَﻘْﺒِﻞِ اﻟْﻘِﺒْﻠَﺔَ، ﻭَاﺫْﻛُﺮِ اﺳْﻢَ اﻟﻠَّﻪِ، ﻭَﺗَﻨَﻔَّﺲْ ﺛَﻼَﺛًﺎ، ﻭَﺗَﻀَﻠَّﻊْ ﻣِﻨْﻬَﺎ، ﻓَﺈِﺫَا ﻓَﺮَﻏْﺖَ، ﻓَﺎﺣْﻤَﺪِ اﻟﻠَّﻪَ ﻋَﺰَّ ﻭَﺟَﻞَّ، ﻓَﺈِﻥَّ ﺭَﺳُﻮﻝَ اﻟﻠَّﻪِ ﺻَﻠَّﻰ اﻟﻠﻪُ ﻋَﻠَﻴْﻪِ ﻭَﺳَﻠَّﻢَ ﻗَﺎﻝَ: «ﺇِﻥَّ ﺁﻳَﺔَ ﻣَﺎ ﺑَﻴْﻨَﻨَﺎ، ﻭَﺑَﻴْﻦَ اﻟْﻤُﻨَﺎﻓِﻘِﻴﻦَ، ﺇِﻧَّﻬُﻢْ ﻻَ ﻳَﺘَﻀَﻠَّﻌُﻮﻥَ، ﻣِﻦْ ﺯَﻣْﺰَﻡ.(سنن إبن ماحة )
മുഹമ്മദിബ്നു അബ്ദുറഹ്മാൻ (റ) പറയുന്നു: ഞാനൊരിക്കൽ ഇബ്നു അബ്ബാസ് (റ)ന്റെ അരികിൽ ഇരുക്കുകയായിരുന്നു. അപ്പോൾ അവിടെ ഒരാൾ വന്നു.
ഇബ്നു അബ്ബാസ് (റ) അയാളോട് ചോദിച്ചു : എവിടുന്നാ വരുന്നത്..?
അയാൾ: ഞാൻ സംസം കിണറിന്റെ സമീപത്തിൽ നിന്ന്.
ഇബ്നു അബ്ബാസ് (റ) : സംസം വെള്ളം നിങ്ങൾ കുടിക്കേണ്ടത് പോലെ കുടിച്ചോ..?
അയാൾ : അതെങ്ങനെയാണ്..?
ഇബ്നു അബ്ബാസ് (റ) : സംസം വെള്ളം കുടിക്കാൻ ഉദ്ദേശിക്കുമ്പോൾ ഖിബ്‌ലക്ക് അഭിമുകമായി (ഇരുന്ന്), ബിസ്മി ചൊല്ലി വയറ് നിറയുവോളം മൂന്നു ശ്വാസത്തിലായി കുടിക്കണം. കുടിച്ച് കഴിഞ്ഞാൽ അൽഹംദുലില്ലാഹ് എന്നും പറയണം.
നബി (ﷺ) പറഞ്ഞിരിക്കുന്നു : "നമ്മളും കപടവിശ്വാസികളും തമ്മിലുള്ള വിത്യാസം അവർ സംസം വെള്ളം വയറ് നിറയേ കുടിക്കുകയില്ല"
(ഇബ്നു മാജ)
ഗുണ പാഠം
സംസം ജലത്തിനെ സംബന്ധിച്ച മഹത്‌ഭുതം നമുക്ക് സുപരിചിതമാണ്. മക്കയിൽ പോയോ അല്ലാതെയോ സംസം കുടിക്കാൻ ഭാഗ്യം ലഭിക്കാത്തവർ ഇന്ന് വളരെ വിരളമായിരിക്കും. ഇതുവരെ കുടിക്കുമ്പോൾ ഈ നിയമങ്ങൾ പാലിക്കാൻ സാധിക്കാത്തവരുണ്ടെങ്കിൽ ഇനിയുള്ള അവസരത്തിൽ കൃത്യമായി അത് പാലിക്കാൻ ശ്രദ്ദിക്കുക. സംസം കുടിക്കുന്നത് നിന്നുകൊണ്ടായിരിക്കണം എന്നൊക്കെ ചിലർ പറയാറുണ്ട്. എന്നാൽ നിന്ന് വെള്ളം കുടിക്കുന്നതിനെ വിരോധിക്കുന്ന അനവധി ഹദീസുകൾ കാണാം. അതിൽ എവിടെയും സംസം വെള്ളത്തെ ഒഴിവാക്കിയതായി കാണുന്നില്ല. സംസം വെള്ളം നിന്നുകൊണ്ടാണ് കുടിക്കേണ്ടതെങ്കിൽ എല്ലാം പഠിപ്പിച്ച മുത്തുനബി (ﷺ) അതും നമ്മെ പഠിപ്പിക്കുമായിരുന്നു. സത്യം മനസ്സിലാക്കി പ്രവർത്തിക്കാൻ അല്ലാഹു നമുക്ക് തൗഫീഖ് ചെയ്യട്ടെ, ആമീൻ...
✍️ : അബ്ദുൽ റഹീം ഇർഫാനി കോതമംഗലം
No comments:
Post a Comment