സ്വൂഫികൾ: മദ്ഹബിൻ്റെ ഇമാമുകളുടെ വീക്ഷണത്തിൽ

‎‎         ☪️ സ്വൂഫി ധാര-02 ☪️

ഇമാം മാലിക് (റ)

ഇമാം തതാ ഈ (റ) തൻ്റെ ശർഹ് മുഖദ്ദിമത്തി ഇബ്നുറുശ്ദിൽ എടുത്തുദ്ധരിച്ചതും നിരവധി വഴികളിലൂടെ വന്നതുമായ മാലിക് (റ)വിൻ്റെ പ്രസ്ഥാവന ശ്രദ്ധിക്കുക: 

മഹാൻ പറഞ്ഞു: 

ഒരാൾ സ്വൂഫിയായി, ഫിഖ്ഹ് പഠിച്ചില്ല. എങ്കിൽ അവൻ നിരീശ്വരവാദിയായി.ഫിഖ്ഹ് പഠിച്ചു പക്ഷെ, സ്വൂഫിയായില്ല എങ്കിൽ അവൻ തെമ്മാടിയായി.രണ്ടും ഒരുമിച്ച് കൂട്ടിയവൻ യാഥാർത്ഥ്യം എത്തിച്ചവനായി

ഈ വചനം ഇമാം സറൂഖ് (റ) എടുത്തുദ്ധരിച്ചതിന് ശേഷം പറയുന്നു

ഇമാം മാലിക് (റ) ൻ്റെ ഈ വാക്യങ്ങളിൽ നിന്ന് മഹാൻ സ്വൂഫിയായിരുന്നു എന്ന് ബോധ്യമായി.കാരണം സ്വൂഫിയായിരുന്നില്ലെങ്കിൽ മഹാനവകളുടെ പ്രവർത്തനത്തിനെതിരെപ്രസ്താവന നടത്തിയതായി വരും.

ഇമാം അബൂഹനീഫ (റ)

ഇമാമുൽ അഅളം അബൂഹനീഫ (റ) സ്വൂഫികളെ വളരെയധികം സ്നേഹിക്കുകയും ബഹുമാനിക്കുകയും ചെയ്യുമായിരുന്നു. സ്വൂഫികളുടെ സദസ്സുകളിൽ സംഭവിക്കാനുള്ള പ്രകടനങ്ങളിൽ ചിലതിൻ്റെ ഇസ് ലാമികമാനം ചോദിച്ചപ്പോൾ മഹാൻ കൊടുത്ത മറുപടി ഇങ്ങനെയായിരുന്നു:

 അല്ലാഹുവിന് ചില ദാസൻമാരുണ്ട്. അവർ തങ്ങളുടെ ദഫ്ഫുകളെ കൊണ്ടും കുഴലുകളെ കൊണ്ടും സ്വർഗത്തിൽ കടക്കുന്നവരാണ്

 (തുഹ്ഫത്തു അഹ് ലിൽ ഫുതൂഹാത്തി വൽ അദ് വാഖ് )

അബൂഹനീഫ (റ) സ്വൂഫികളെ വിമർശിക്കാൻ തുനിഞ്ഞിരുന്നില്ലെന്നും അവരിൽ നിന്നുണ്ടാകുന്ന പ്രവർത്തനങ്ങളെ ഇസ് ലാമിക വിരുദ്ധമല്ലാത്ത രീതിയിൽ വ്യാഖ്യാനിക്കുന്നവരും മറ്റുള്ളവരെ വ്യാഖ്യാനിക്കണമെന്ന് പഠിപ്പിക്കുന്നവരുമായിരുന്നു എന്ന് ഇത് സാക്ഷ്യപ്പെടുത്തുന്നു.

കർമ്മ ശാസ്ത്ര പണ്ഡിതനായി അറിയപ്പെട്ട അബൂഹനീഫ (റ) സ്വൂഫിവര്യനായ ഇമാം അത്വാഉ (റ)ൻ്റെ പിറകെ നടന്നത് കൗതുകമായി തോന്നേണ്ട കാര്യമില്ല. കാരണം സ്വൂഫികളോടുള്ള സാമീപ്യം അനന്തമായ ആത്മജ്ഞാനത്തിൻ്റെ നിദാനമാണ്. മാത്രമല്ല, അബൂഹനീഫ (റ) അവസാന വർഷങ്ങളിൽ ജഅഫറുസ്സ്വാദിഖ് (റ) എന്ന സയ്യിദായ മഹാനുമായി ബന്ധപ്പെട്ട് സ്വൂഫി മാർഗ്ഗത്തിൽ പ്രവേശിച്ചു

.രണ്ട് വർഷത്തെ ആ ജീവിതത്തെ കുറിച്ച് ഇമാം അവർകളുടെ പ്രസ്ഥാവന ആധുനിക പണ്ഡിതരുടെ കണ്ണ് തുറപ്പിച്ചിരുന്നുവെങ്കിൽ!

മഹാനവർകൾ പറഞ്ഞു: എൻ്റെ ആരണ്ട് വർഷം ഇല്ലായിരുന്നുവെങ്കിൽ അബൂഹനീഫ നശിച്ചുപോകുമായിരുന്നു.

എത്ര വലിയ പണ്ഡിത കേസരികളാണങ്കിലും സ്വൂഫി സാന്നിദ്ധ്യം അനിവാര്യമാണന്ന് അടയാളപ്പെടുത്തുകയാണിവിടെ.....

ത്വരീഖത്ത് അവജ്ഞയോടെ കാണുന്ന ചില കർമ്മശാസ്ത്ര പണ്ഡിതരുള്ള ഈ കാലഘട്ടത്തിൽ ലോകപ്രശസ്ത കർമ്മശാസ്ത്ര പണ്ഡിതരായിരിക്കെ തന്നെ അബൂ ഹനീഫ (റ) സ്വൂഫികളുടെ ശൈഖ് കൂടിയായിരുന്നു എന്നത് അവിടുത്തെ ത്വരീഖത്തിൻ്റെ സിൽസില നോക്കിയാൽ കാണാം..

(ഹനഫി കർമ്മ ശാസ്ത്ര പണ്ഡിതൻ ഇമാം ഹസ്ഫഖി (റ) ആസിൽസില ഉദ്ധരിക്കുന്നുണ്ട് )

അതോടൊപ്പം ഒരു കർമ്മ ശാസ്ത്ര പണ്ഡിതൻ സ്വൂഫി കൂടിയായിരിക്കണം എന്ന ബോധ്യപ്പെടുത്തലും അവരിൽ നിന്ന് ദീൻ പഠിച്ചാലേ പരിപൂർണ്ണമാവുകയൊള്ളൂ എന്ന അടയാളപ്പെടുത്തലുമാണ് അബൂഹനീഫ (റ) പ്രവർത്തിപഥത്തിൽ കാണിച്ചു തരുന്നത്

തയ്യാറാക്കിയത് : ഹസൻ ഇർഫാനി എടക്കുളം

[ തുടരും... ]