മുഹർറം മാസത്തിലെ നോമ്പ്

ഹദീസുകളിലൂടെ ഇന്ന്-125

മുഹർറം മാസത്തിലെ നോമ്പ്

حَدَّثَنِي قُتَيْبَةُ بْنُ سَعِيدٍ، حَدَّثَنَا أَبُو عَوَانَةَ، عَنْ أَبِي بِشْرٍ، عَنْ حُمَيْدِ بْنِ عَبْدِ الرَّحْمَنِ، الْحِمْيَرِيِّ عَنْ أَبِي هُرَيْرَةَ، - رضى الله عنbه - قَالَ قَالَ رَسُولُ اللَّهِ صلى الله عليه وسلم ‌‏ أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ وَأَفْضَلُ الصَّلاَةِ بَعْدَ الْفَرِيضَةِ صَلاَةُ اللَّيْلِ ‏"

🖋️ അബൂ ഹുറൈറ (റ) നിവേദനം, നബി ﷺ പറഞ്ഞു: "റമളാന്‍ മാസത്തിനു ശേഷം ഏറ്റവും ശ്രേഷ്ഠതയുള്ള നോമ്പ് അല്ലാഹുﷻവിന്റെ മാസമായ മുഹർറം മാസത്തിൽ അനുഷ്ടിക്കുന്ന നോമ്പാണ്‌. നിര്‍ബന്ധ നമസ്കാരങ്ങള്‍ക്ക് ശേഷം ഏറ്റവും ശ്രേഷ്ഠമായ നമസ്കാരം രാത്രി നമസ്കാരമാണ്."

   【മുസ്‌ലിം】

  ♥️ഗുണ പാഠം♥️

ചാന്ദ്രമാസാക്കണക്കനുസരിച്ച് ഒരു വർഷത്തിലെ ആദ്യത്തെ മാസമാണ് മുഹർറം. അല്ലാഹു പ്രത്യേകമായി ആദരിച്ച നാല് മാസങ്ങളുണ്ട്. ദുൽ ഖഅദ,  ദുൽ ഹിജ്ജ, മുഹർറം, റജബ് എന്നിവ. കലീമുല്ലാഹി മൂസ (അ) നെ ഫിർഔനിൽ നിന്നും കിങ്കരന്മാരിൽ നിന്നും രക്ഷിക്കുന്നതിന് അല്ലാഹു തെരഞ്ഞെടുത്തത് ഈ മാസത്തെയാണ്. അതുകൊണ്ട് തന്നെ ഈ മാസത്തിൽ നോമ്പ് വളരെ പ്രാധാന്യമുള്ളതാണ്.

റമളാൻ അല്ലാത്ത ഏതെങ്കിലും മാസം പൂർണമായി നബി (സ) നോമ്പെടുത്തതായി രേഖയില്ല. എന്നാൽ റമളാൻ മാസത്തിലെ നോമ്പിന് ശേഷം മുഹർറം മാസത്തിലെ നോമ്പിന് മഹത്വമുള്ളതായി അവിടുന്ന് പഠിപ്പിച്ചിട്ടുണ്ട്. സുന്നത്തായ കർമ്മങ്ങൾ കൊണ്ട് റബ്ബിലേയ്ക്ക് കൂടുതൽ അടുക്കുവാൻ നാഥൻ നമ്മെ തുണക്കട്ടെ, ആമീൻ...