മാതാവിനോടുള്ള കടമ
✒️ *ﻋَﻦْ ﻋَﻠْﻘَﻤَﺔَ ﺑْﻦِ ﻣَﺮْﺛَﺪٍ، ﻋَﻦ ﺳُﻠَﻴﻤﺎﻥ ﺑْﻦِ ﺑُﺮَﻳﺪﺓ، ﻋَﻦ ﺃَﺑﻴﻪِ، ﺭَﺿِﻲ اﻟﻠَّﻪُ ﻋَﻨْﻪُ، ﺃَﻥَّ ﺭَﺟُﻼ ﻛَﺎﻥَ ﻓِﻲ اﻟﻄَّﻮَاﻑِ ﺣَﺎﻣِﻼ ﺃُﻣَّﻪُ ﻳَﻄُﻮﻑُ ﺑِﻬَﺎ ﻓَﺴَﺄَﻝَ اﻟﻨَّﺒِﻲّ ﺻَﻠَّﻰ اﻟﻠَّﻪُ ﻋَﻠَﻴﻪ ﻭَﺳَﻠَّﻢ ﻫَﻞْ ﺃَﺩَّﻳْﺖُ ﺣَﻘَّﻬَﺎ؟ ﻗَﺎﻝَ: ﻻ، ﻭﻻَ ﺑِﺰَﻓْﺮَﺓٍ ﻭَاﺣِﺪَﺓٍ، ﺃَﻭْ ﻛَﻤَﺎ ﻗَﺎﻝَ.
(مسند البزار )
🖋️ *സുലൈമാനിബ്നു ബുറൈദ (റ) തന്റെ പിതാവിൽ നിന്ന് ഉദ്ധരിക്കുന്നു: ഒരിക്കൽ ഒരാൾ തന്റെ മാതാവിനെയും ചുമന്ന് കഅബാലയത്തെ ത്വവാഫ് ചെയ്തു. ശേഷം മുത്ത്നബി (ﷺ)യുടെ അടുക്കൽ വന്ന് ചോദിച്ചു : ഞാൻ എന്റെ മാതാവിനോടുള്ള കടപ്പാട് വീട്ടിയവനാകുമോ..?
*മുത്ത്നബി (ﷺ): "ഇല്ല, ഒരിക്കലും ആവുകയില്ല. നിന്റെ മാതാവ് സഹിച്ച ഒരു പ്രസവവേദനയോട് പോലും അത് സമമാവുകയില്ല..."*
【ബസ്സാർ】
➖➖➖➖➖➖➖➖
♥️ഗുണ പാഠം♥️
➖➖➖➖➖➖➖➖
*ഒരു മനുഷ്യന് ലോകത്ത് ഏറ്റവും കടപ്പാടുള്ളത് അവന്റെ മാതാവിനോടാണ്. ഏതൊരു സ്ത്രീയുടെയും ഗർഭസ്ഥാവസ്ഥയിൽ അവർ അനുഭവിച്ച ത്യാഗവും പ്രസവ വേളയിൽ അവർ സഹിച്ച വേദനയും തുടർന്നുള്ള അവരുടെ ജീവിതത്തെ സാരമായിത്തന്നെ ബാധിക്കുന്നുണ്ട്. അതുകൊണ്ട്തന്നെ ഒരു മനുഷ്യനെ സംബന്ധിച്ചിടത്തോളം അവന്റെ മാതാവിനോടുള്ള കടപ്പാട് ഒരിക്കലും തീരുകയില്ല. ഏത് ഘട്ടത്തിലും ആ കടപ്പാട് മറക്കാതിരിക്കാനാണ് ഒരിക്കലും നീക്കം ചെയ്യാൻ പറ്റാത്ത വിധം ഒരു അടയാളം പൊക്കിൾ കുഴിയുടെ രൂപത്തിൽ സ്രഷ്ടാവ് അവന് നൽകിയിട്ടുള്ളത്. സ്വന്തം മാതാവിൽ നിന്ന് എന്ത് പ്രയാസം തോന്നുമ്പോഴും ഓരോരുത്തരും അവന്റെ പൊക്കിൾ കുഴിയിലേക്ക് ഒന്ന് നോക്കി ചിന്തിച്ചുകൊള്ളട്ടെ. മാതാവിന്റെ പൊരുത്തം നേടാൻ നമുക്കേവർക്കും അല്ലാഹു വിധിയേകട്ടെ, ആമീൻ...
✍️ :അബ്ദുൽ റഹീം ഇർഫാനി കോതമംഗലം
No comments:
Post a Comment